أهلا فيكي, 

أنا سمية, ممكن بينا معرفة وممكن لا, 

بكل الاحوال, بحب ارحب فيكي وباهتمامك بورشة العمل,

وكمان اشكرك انك خصصتي من وقتك لتهتمي بنفسك, كوني فخورة بنفسك انك بتحبي نفسك لانك بتستحقي فعلا, 

خلال اخر 3 سنوات ونصف, انا الطالبة بعالم حب الذات والوعي,

مرقت رحلة تشافي عميقة  ( مستمرة لليوم ولاخر يوم بعمري) وفيها تعلمت كثير شغلات عن حالي, 

عن الاسباب الداخلية اللي منعتني اتقدم بحياتي, 

عن كل الافكار والمشاعر المعيقة جواتي اللي ما عرفت كيف اتعامل معها, وكنت اهرب منها كل الوقت, 

ووصلت لمرحلة اني مش راضية ولا عن اي شيء بحياتي, ولا باي مجال,

وبتذكر فترتها تعبت وكنت بفضل العزلة عن كل الناس, حتى المقربين مني 

وكنت حاطة القناع على وجهي حتى ما حدا يكشف اني ضعيفة او اني حزينة 

مع اني من برا كلشي كان " واو " وكان حلو وبجنن 

لحد ما اجا اليوم, اللي اخدت فيه قرار اني اوقف ركض ورا السعادة الخارجية 

وافحص شو عندي غلط جواتي لاني اكيد انا الغلط 

ومن هون بدت رحلتي, وصرت اهتم اكثر بذاتي انا ومش باي شيء خارجي

وتعرفت وتعمقت بموضوع " القيمة الذاتية والاستحقاق " 

وبديت افحص اكثر واكثر قديش تأثيره علي, 

من لحظة ما اصحى الصبح للحظة النوم اخر اليوم, 

بكل فكرة \ كل شعور \ كل قرار باخده خلال اليوم, 

واكتشفت قديش في مواقف بالطفولة اثرت على نظرتي لنفسي وانا ما كنت واعية الها, بس هي كانت جواتي, 

وقررت اني اتشافى من هاي المواقف

واني بقوة وبشجاعة, ابدا بتنظيف عميق لمعتقداتي الداخلية, 

ومع الادوات الي تعلمتها ابني معتقدات داعمة جواتي انا 

تساعدني اوصل لاحلامي واهدافي من محل وفرة ومن محل رضا 

مش من محل ركض وضغط ونقص

ومع الايام والتدريب 

اكتشفت انه هي من اكبر الاوجاع عندي,

واكبر وجع بحياتنا هو فعليا رسالتنا, 

وبعدها قررت مش بس الافادة تكون الي, 

كمان تكون لكل النساء الي حابين يعملو تغيير وتأثير بحياتهم, 

وهاي الادوات تعلمتها للعمق اكثر,

وكمان قررت اعلمها لكل المشتركات عندي, 

وكل مرة بمرقها بلقاء, بتأكد قديش هاد الموضوع مهم 

وعشان هيك قررت افتح ورشة عمل كاملة,

تكون بس عن هاد الموضوع 

حتى كمان انتي تستفيدي, وفش حاجة بالتزام لبرنامج كامل 

هو بس لقاء لمدة 3 ساعات 

بس اثره عليكي هيكون عميق جدا, 

من تجربتي الشخصية بقلك لاني كنت بمحلك بيوم من الايام 

وبحب اقلك, اذا انا قدرت اتجاوز هاد المحل, وكمان مشتركاتي

كمان انتي بتقدري

وهكون معك ايد بايد لتقدري كمان انتي تتحري من عقدة " نقص القيمة الذاتية " ..

وتنطلقي بحياتك للمرحلة الاعلى منها بكل حب 

بكل ثقة وايمان عميق باستحقاقك